Wednesday, 18 June 2014

Mumbai Ki Baarish!! - By Richa Rajput


Haye re dekho mumbai ki baarish,
kabse mann mein thi iske barasne ki hi khwaaish,
itni kadak dhoop aur garmi ke baad,
tere boondo ki dastak ke baad,
mann mein khushi ki lehar si uth gyi
jaise dil me phr kisi ke aane ki lehar si uth gyi..

Tip tip awaaz sunte he,
yeh dil khushi se jhoom utha,
socha jaake dekhun bahar kaisa hai tera paani,
har jagah tha paani paani aur trees pe hariyaali!!
jahan dekho baras raha h paani,
aaj blue hai paani paani paani...
or din bhi rainy rainy.. :)

Samjh mai nahi aaraha ki sadak pe paani h
ya paani me sadak,
tere prakop se sadak pe bhi potholes hogye hain

Kahin ek chaate mai 2 log hain ,
kahin 2 chate mai annek log
big rainbow chhatri leke
kitne pyaare lagte log..

Tere aane ka sanket mila nahi ki
sadkon pe jaam lagne laga,
socha jaun auto me
uska bhi chappar fata nikla...

Jahan 2 km 10 min mai poora hota tha,
wohi ab 2 ghante mai poora hota h
tujhse bachne ke lia raincoat umbrella sab khareed lia,
par itni ghangor hai re tu,
ki khud ko bheegne se koi b na rok saka..

Jaise he ghar se office ke lia tyaar hokar bahar nikalte hum,
waise he badal garazne lagte aur rimzim rimzim barasti tum,
aisa lagta h jaise humare ghar se nikalne ki he intezaar mai thi tum
jiske aane se sadak pe he mach jata h gadar,
uske aane se socho samundar ka kya haal hota hoga,
sach, mumbai ki imaraton ki unchai tak phnch jata h high tide ka paani,
aisi h meri mumbai ki barish
ab barasna kar bhi de band..
varna government declare kar degi high alert aur bahar nikalna hojaega sabka band
haye re meri mumbai ki barish
haye re mumbai ki baarish..
kabse mann mein thi iske barasne ki hi khwaaish...

                                                                                           - RICHA RAJPUT

No comments:

Post a Comment